PSG Lyss F2 vs. HGO - Es isch ahgrichtet!

D Saison isch o fürd Wäutklassdame losgange. Es isch zwar es müehsams Samstiabe haubi Nüni-Spiu, aber mir si motiviert!

Dr Arztkoffer: Ready!
D Dresstäsche: Ready!
D Shorty aus Coach: Ready!
D Spielerinne usem 1 wo chöme cho uushäufe:Ready!
Dr Harz am Bau: Ready!
D Aline (Multitalänt) Bucher aus Fäudspielerin im Gou: Ready!

Die ganzi Mannschaft i de erschte rund 10 Minute: aues angere aus Ready.
U wede när die räschtleche 50 Minute emene 10 Gou Rückstang muesch nache sekkle, wirds schwierig.
Aber was hei mir kämpf, Glück gha vorem Gou, hinger blocket und nang ghulfe! Trotzere dütleche 30:24 Niederlag, heimer richtig geil gfightet und aues gäh.
Immerhin heimer die zwöiti Haubzyt gwunne und das sicher ou dank dr luutstarche Ungerstützig uf dr Tribüni. Danke für das viele chlatsche und aafüüre!

Ar Steffi vo HGO wosech bim Abpfiff no verletzt het, wünsche mir gueti Besserig!

Uf Baud im Grien :)

Lyss Grien
SR: Steiner
Strafen: 3mal 2 Minuten gegen Lyss, keine 2 Minuten gegen HGO

PSG Lyss:
Atanasova (1), Berns (1), Bucher, Gasser (5), Johner (3), Knutti (2), Roniger F, Roniger M, Schild (6), Schwaar (1), Schüpbach, Sutter (3), Vicha (2)

HGO:
Etienne, Haenni (5), Kaufmann, Moser, Mulder, Riedo (4), Spenger (2), Szidat (8/1), Tschumi (3), Wäspi-Grünig (8)